Inneklima på arbeidsstaden
Inneklima har innverknad på helse, trivsel og arbeidsevne.
Her kan du lesa meir om inneklima og luftkvalitet på arbeidsstaden.
Støy på arbeidsstaden
Støy er uønska lyd. Negative helseverknader av støy er knytta til støy som ein stressfaktor som kan påverke adferd, trivsel, kommunikasjon, kvile og søvn. Etter luftforureining er støy den miljørisikofaktoren som bidrar til høgste sjukdomsbyrde i Europa.
Miljøretta helsevern jobbar med støy etter folkehelselova og forskrift om miljøretta helsevern. Forskrift om miljøretta helsevern § 9a seier ein skal tilstrebe lavast mogleg støynivå. Støy og vibrasjonar skal ikkje medføra helsemessige ulemper eller overskrida helsemessig forsvarleg nivå. Dersom støyen overskrid gjeldande grensenivå, kan Miljøretta helsevern kreva at dette vert retta opp i, i medhold av Folkehelselova § 14. I enkelte tilfelle finnes det ikkje relevante grenseverdiar, og her må ein nytta skjønn for å avgjera saka.
Eksempel på støy kan vera:
- Musikkanlegg
- Nærmiljøanlegg
- Tekniske installasjonar
- Bygg- og anleggstøy
Legionellasmitte - førebyggjande tiltak
Eig du ei verksemd som kan spreie legionellabakteriar, skal du sende melding til kommunen ved oppstart og ved utvidingar eller endringar, og eventuelt ta mikrobiologiske prøver. Du skal sjå til innretningane regelmessig og leggje opp gode rutinar for drift og vedlikehald.
Du sender melding dersom verksemda har
- kjøletårn
- luftskrubbar
- badeanlegg
- boblebad som er tilgjengeleg for allmenta
Meldeplikta har heimel i lov om folkehelsearbeid § 10.
Du tar mikrobiologiske prøver dersom verksemda har
- kjøletårn
- luftskrubbar
- fuktanlegg
- innandørs fontene
så sant du ikkje kan dokumentere at vekst og spreiing av legionellabakteriar ikkje vil skje.
Dersom det er mistanke om utbrot, skal du ta mikrobiologiske prøver av alle installasjonane som kan vere årsaka til smitten før du går i gang med å reingjere og desinfisere.
Legionellabakteriar finst naturleg i låge konsentrasjonar i overflatevatn og jordsmonn. Det er først når dei får formere seg over lengre tid i lunka vatn i tekniske installasjonar, at dei kan føre til smittefare. VVS-installasjonar som kjøletårn, dusjanlegg og boblebad blir rekna som dei viktigaste kjeldene, men òg andre kjelder (som luftskrubbarar, sprinklaranlegg og fontener) kan overføre bakterien.
Sjå også § 11 b i forskrifta miljøretta helsevern: For kjøletårn, luftskrubbere, befuktningsanlegg og innendørs fontener er det satt krav til regelmessig prøvetaking for å kontrollere den mikrobiologiske tilstanden i innretningen. Mikrobiologisk prøvetaking kan også være aktuelt for andre typer innretninger der risikovurderingen tilsier det, eller det gis anbefalinger om dette i veiledningen. Prøvetaking for mikrobiologiske analyser skal være en del av risikoanalysen, inngå i internkontrollen etter § 12 og skal kunne dokumenteres overfor tilsynsmyndighet ved forespørsel om dette.
Du lan lesa meir om legionellasmitte her:
