Søknad om godkjenning

Skal du starte barnehage, må du sende inn ein søknad om planuttalelse når du har planteikningane klare, og før du sender dei til godkjenning etter plan- og bygningslova. 

Søk om godkjenning av barnehagen seinast to månadar før barnehagen planlegg å starte opp.

Søk om godkjenning når du har gjennomført fysiske endringar av eksiserande barnehage.

Søk om godkjenning når du får vedtak om ny helseverngodkjenning. 

Skjema for søknad om godkjenning finn du her. 

Søknadsprosess

Kommunen som barnehagemynde skal etter barnehagelova sørgje for at barnehagen i Fitjar kommune vert drevne i samsvar med gjeldande lov- og regelverk. Barnehagemynde avgjer søknad om godkjenning. Barnehagen si eignaheit vert vurdert etter barnehagelova § 1 om formål, § 1 a om særlege formål og § 2 om barnehagen sitt innhald. 

Før du startar prosessen med å planleggje ny barnehage, kan du kontakte kommunen for informasjon og rettleiing. Me anbefalar at barnehagemynde kjem tidleg inn i søknadsprosessen. 

Kommunen behandlar søknadar om tilskot til private barnehagar i tråd med retninglinjene for kommunalt tilskot. 

Barnehageeigar skal sende søknad om godkjenning til kommunen som barnehagemynde minimum to månadar før planlagd oppstart. Barnehagemynde skal sørgje for at saka er så godt opplyst som mogleg. I dette ligg  det at barnehagemynde må klargjere kva for vilkår andre mynde har stilt før godkjenning kan verte gitt. Barnehagemynde gjennomføre ferdigbefaring av barnehagen sine lokalar og uteområde minimum 3 veker før barnehagen planlegg oppstart. 

Vedlegg til søknad

Søknaden om godkjenning av barnehage må innehelde nok informasjon til at barnehagemynde kan sakshandasama søknaden. 

Planteikningane må gje barnehagemynde informasjon om kva for del av arealet som er planlagd som leike- og opphaldsareal. Søknaden skal også innehelde bemanningsplan, vedtekter og politiattest dersom eigar skal opphalde seg i barnehagen eller på anna måte ha moglegheit til å vere i direkte kontakt med barnehagebarna. Sjølv om du allereie har starta eller driv andre barnehagar, skal du levere politiattest viss du skal arbeide i den nye barnehagen. 

Legg også ved relevante uttalelse frå andre mynde. 

Rettleiing

Barnehagelova § 10 regulerer barnehagemynde sitt ansvar. 

Barnehagemynde er gitt eit særleg ansvar for å rettleie søkjar i godkjenningsprosessen slik at søknaden inneheld tilstrekkeleg informasjon. Rettleiingsansvaret gjeld likt uavhengig av om det er kommunal eller privat søkjar. Rettleiing skal også ivareta prinsipp om forbod mot usakleg forskjellsbehandling. 

Ny godkjenning av eksisterande barnehage

Når ein allereie godkjend barnehage føretar endringar av eit visst omfang, skal barnehageeigar melde frå om dette til kommunen. Barnehagemynde avgjer om endringa krev ny godkjenning. 

Om barnehagen endrar organisasjonsform eller organisasjonsnummer, må ikkje barnehagen godkjennast på nytt. Kommunen vurderer kor store dei faktiske endringane er. 

Viss ein barnehage flyttar frå eit anna sted, vil endringa vere så stor at den opprinnelege godkjenning ikkje er gyldig lengre. Barnehageeigar må da søkja om ny godkjenning. 

Familiebarnehagar og opne barnehagar 

Kontakt barnehagemynde for rettleiing viss du vurdera å etablera familiebarnehage eller open barnehage. 

Nye barnehagar

Lov om barnehagar § 6: Verksemda si plikt til å søkje godkjenning 

"Virksomheter som har ansvar for barn under opplæringspliktig alder, plikter å søke godkjenning som barnehage når:

a) virksomheten er regelmessig og ett eller flere barn har en ukentlig   oppholdstid på mer enn 20 timer, og
b) antall barn som er til stede samtidig er ti eller flere når barna er tre år eller eldre, eventuelt fem eller flere når barna er under tre år, og
c) virksomheten utføres mot godtgjøring. Virksomheter etter første ledd må være godkjent før driften settes i gang."

Lov om barnehagar § 14 om godkjenning 

Kommunen avgjer søknad om godkjenning etter å ha vurdert barnehagen sin eignaheit i forhold til formål og innhald, jf. barnehagelova §§ 1, 1a og 2. 

Kommunen kan setje vilkår for drifta med omsyn til tal barn, barnas alder og opphaldstid. Du kan klare på kommunen sitt vedtak til Statsforvaltaren i Vestland. 

Kommunen si vurdering
Rett til godkjenning etter barnehagelova inneberer ikkje ei automatisk rett til finansiering av private barnehagar etter barnehagelova § 19 om kommunalt tilskot til godkjende private barnehagar. 

Barnehageeigar skal drive verksemda i samsvar med gjeldande lovar og reglar. Ein barnehage kan ikkje kompensere for manglande finansiering gjennom foreldrebetaling. 

Barnehageeigar må dokumentere at inne- og uteareal tilfredstiller krava i lova og at drifta er i samsvar med gjeldande regelverk. Rettleiande norm for barns leikeareal er 4 kvadratmeter nettp per barn over tre år og omtrent ein tredjedel mer (cirka 5,3 kvadratmeter) per barn under 3 år. 

Utearealet i barnehage bør vere seks gonger så stort som leike- og opphaldsareal inne. Søkar barnehageeigar om dispensasjon frå rettleiande norm, krev kommunen ei stadfesting og vurderer årsaka.  

 

Vedtak

Barnehagemynde gjer eit skriftleg vedtak etter forvaltningslova med grunngjeving for kvifor søknaden om godkjenning vert innvilga, innvilga med vilkår eller avslått etter barnehagelova § 14. Grunngjevinga inneheld ei vurdering av barnehagen si eignaheit etter barnehagelova §§ 1, 1a og 2. 

Klagemoglegheit

Du kan klage på vedtaket til Statsforvaltaren i Vestland innan tre veker frå motteke brev i henhold til forvaltningslova §§ 28 og 29 og barnehagelova § 14 tredje ledd. 

Du sender klagen til barnehagemynde som har fatta vedtaket. 

Adresse;

Fitjar kommune ved barnehagemynde
Postboks 83
5418 Fitjar