Kontrollutvalet

Kontrollutvalet skal føra tilsyn med den kommunale forvaltninga på vegne av kommunestyret.

• Kontrollutvalet skal i første rekke føre samanhengande tilsyn og kontroll med forvaltninga i kommunen på vegne av kommunestyret, medrekna å sjå til at kommunen har ei forsvarleg revisjonsordning.
• Utvalet kan i prinsippet ta opp eitkvart forhold ved kommunen si verksemd så lenge det kan definerast som kontroll eller tilsyn. Uvalet kan likevel ikkje overprøve politiske prioriteringar utført av kommunen sine folkevalde organ.
• Kontrollutvalet kan berre sjå til at dei vedtak som er tekne og at verksemda elles er i tråd med rettslege krav til kommunen. Det vil seie om vedtak er tekne av kompetent organ etter korrekt saksbehandling og om vedtaket er gjennomført som fastsatt. Kommunelova § 23-5 viser også til at kontrollutvalet skal rapportere resultata av arbeidet sitt til kommunestyret

Kontrollutvalet har 5 representantar. 

Meir informasjon om representantane i Kontrollutvalet, kan ein finna her. Lenke til et annet nettsted, åpnes i nytt vindu.
 

Førespurnader til kontrollutvalet

Som innbyggar i kommunen kan du vende deg til kontrollutvalet dersom du har generelle innspel eller tips om meir konkrete og moglege kritikkverdige forhold som tema og områder for kontroll eller revisjon. 

Det vert likevel gjort merksam på at det i hovudsak er utanfor kontrollutvalet sitt mandat og reglement å behandle henvendingar som m.a. gjeld enkeltsaker, klagesaker, saker som er til behandling i rettsapparatet, usemje i politiske vedtak eller varsel etter Arbeidsmiljølova kap. 2a. 

Vi gjer også merksam på at kontrollutvalet berre har plikt til å behandle dei saker som kommunestyret ber dei om, eller der det går fram av kommunelova kapittel 23 og 24. Når det gjeld henvendingar frå andre enn kommunestyret, må kontrollutvalet sjølve vurdere om dei vil prioritere å sjå nærare på det henvendinga tek opp.

Vi gjer også merksam på at kontrollutvalet ikkje er eit forvaltningsorgan som fattar enkeltvedtak etter forvaltningslova § 2. Personar som vender seg til kontrollutvalet er ikkje å rekne som part i ei eventuell påfølgjande kontrollsak. Det vil derfor ikkje vere klagerett på vedtak gjort av kontrollutvalet, eller andre partsrettar etter forvaltningslova § 28 knytt til vedtak gjort av utvalet.

Førespurnader kan sendast til sekretariatet for kontrollutvalet

Vestland fylkeskommune er sekretariat for kontrollutvalet. Det er eit krav at sekretariatet er uavhengig i høve både administrasjonen og revisjonen. Dette inneber mellom anna at sekretæren ikkje kan vere tilsett under kommunedirektøren si mynde, eller utføre revisjonsoppgåver for kommunen.

Fitjar kommune har avtale med Deloitte AS om revisjonstenester. Det omfattar rekneskapsrevisjon, forvaltningsrevisjon, eigarskapskontroll i selskap som kommunen har eigarinteresser i og andre kontrolloppgåver i regi av kontrollutvalet.

Kontaktinformasjon til sekretariatet

Helge Inge Johansen
Telefon 40 20 36 64
E-post: helge.inge.johansen@vlfk.no

Kontrollutvalet sin møteplan for 2025:

19.02.2025
02.04.2025
28.05.2025
10.09.2025
26.11.2025

Innkallingar og protokoller til kontrollutvalet 2025

Protokoll Pdf, 121 kB. frå møte i kontrollutvalet 28.05.2025
Innkalling Pdf, 9 MB. til møte i kontrollutvalet 28.05.2025, kl. 10.00 - kommunestyresalen, Fitjar rådhus

Protokoll Pdf, 93 kB, åpnes i nytt vindu. frå møte i kontrollutvalet 02.04.2025
Innkalling Pdf, 2 MB. til møte i kontrollutvalet 02.04.2025, kl. 10.00 - kommunestyresalen, Fitjar rådhus

Protokoll Pdf, 120 kB. frå møte i kontrollutvalet 19.02.2025
Innkalling Pdf, 1 MB. til møte i kontrollutvalet 19.02.2025, kl. 10.00 - kommunestyresalen, Fitjar rådhus