Tilskot til inkludering av barn og unge
Søknadsfrist 01.11.2024
Fitjar kommune oppmodar offentlege instansar, private aktørar og frivillige lag og organisasjonar til å søkje om tilskotsmidlar til prosjekt som kan bidra til at alle barn, uavhengig av foreldrenes sosiale og økonomiske situasjon, skal ha mogelegheit til å delta jamt i minst éin organisert fritidsaktivitet saman med andre.
Les meir om tilskotsordninga her:
Tilskot til inkludering av barn og unge Lenke til et annet nettsted, åpnes i nytt vindu.
Mål med ordninga
Målet med tilskotsordninga er å leggje til rette for at alle barn og unge skal ha mogelegheit til meistring og samfunnsdeltaking
Tilskotsordninga skal bidra til utvikling av opne møteplassar, deltaking på ferie- og fritidsaktivitetar og fullføring av utdanningsløp.
Målgruppa er barn og unge til og med 24 år som av ulike grunnar står i fare for å ende i utanforskap. Aktivitetstypane «los/ungdomslos» og «opne møteplassar» har ein meir avgrensa målgruppe: Målgruppa for desse to aktivitetstypane er barn og unge mellom 10 og 24 år.
Utanforskap handlar om å stå utanfor ulike arenaer eller fellesskap i samfunnet. Risikofaktorar for utanforskap kan vere:
- Å vekse opp i familiar med låginntekt
- Manglande sosialt nettverk
- Manglande tilknyting til skule/arbeid
- Manglande deltaking i fritidsaktivitetar
Risikofaktorar kan vere overlappende eller forsterke kvarandre.
Aktivitetstypar
Aktivitetstypar det kan søkjast tilskot til (sjå forskrift og rettleiar for informasjon om dei ulike aktivitetstypane):
- Kultur-, fritids- og ferieaktivitet
- Jobbtilbod og rettleiing
- Utstyrssentral
- Lokal fritidskasse
- Kultur- og aktivitetskort
- Aktivitetsguide
- Los/ungdomslos
- Open møteplass
- Utprøving av arbeidsmodellar
- Koordinering av lokalt arbeid for å inkludere målgruppa
Sentralledd frivillige organisasjonar – aktivitet i minst fem kommunar
Søknad
Søknadsfrist er 01.11.2024.
Les meir om tilskotsordninga på Bufdir si nettside Lenke til et annet nettsted.. Det er viktig å setje seg inn i alle kriteria for å søkje tilskot.
Kommunen har frist for rangering av søknadar 10.januar. Etter det gjer Bufdir si vurdering.
Bufdir sin søknadsportal finn de her. Lenke til et annet nettsted.
Sist oppdatert