Heimebaserte tenester

Fitjar kommune tilbyr følgjande heimebaserte tenester:

Praktisk bistand - heimehjelp

Tenesta handlar om bistand til dagleglivets praktiske gjeremål, eigenomsorg og personleg stell, til dømes:

• Hjelp til reingjering, alminneleg reingjering av rom som er i dagleg bruk, golvvask, støvsuging og vask av bad/WC
• Sengetøyskift, normalt kvar 14. dag

Det vert gjennomført heimebesøk, for kartlegging av behov, planlegging og oppfølging saman med søkjar.

Praktisk bistand - opplæring ADL

• Heimehjelpen kan bistå i opplæring, motivering og rettleiing i dagleg reinhald og stell av bustaden din.

• Basisen i arbeidet er opplæring og målretta miljøarbeid - hjelp til sjølvhjelp.
• Tenesta vektlegg aktiv brukarmedverknad, sjølvstendiggjering og deltaking.
  

Tenesta omfattar eindel påminning, motivering og rettleiing i dagleg reinhald og stell av bustad, rettleiing og hjelp til dagleg økonomistyring etter avtale med verje, i tillegg til motivering, rettleiing og hjelp til sosiale aktivitetar.

• Basisen i arbeidet er opplæring og målretta miljøarbeid - hjelp til sjølvhjelp
• Tenesta vektlegg aktiv brukarmedverknad, sjølvstendiggjering og deltaking
• Opplæring i husarbeid og matstell, personleg hygiene, påkleding, opplæring i samband med måltid og bu-vegleiing
• Kan også omfatta opplæring i bruk av tryggleiksalarm, ulike velferdsteknolog 

Det er kommunen som i samarbeid med deg bestemmer kva for tenester som er aktuelle.

Helsetenester i heimen - heimesjukepleie

Helsetenester i heimen kan gis som eit eller fleire einskildtiltak eller som heildøgnstilbod. Døme på innhald i tenesta:

• Hjelp til å stå opp, leggje seg og ivareta personleg hygiene
• Hjelp til dusj samt hårvask 
• ​Legemiddeladministrering og elektronisk medisineringsstøtte.
• Sårstell

Det er kommunen som i samarbeid med deg bestemmer kva for tenester som er aktuelle.

Heimerehabilitering/Rehabilitering

Habilitering og rehabilitering (sosial, psykososial og medisinsk) skal ta utgangspunkt i livssituasjonen og måla til den einskilde. Habilitering og rehabilitering er målretta samarbeidsprosessar på ulike arenaer mellom pasient, brukar pårørande og tenesteytarar. Kjenneteikn ved prosessane er koordinerte, samanhengande og kunnskapsbaserte tiltak. 

Habiliterings- og rehabiliteringsløp vil som regel bestå av mange ulike enkelttenester/-tiltak, til dømes helsetenester i heimen og praktisk bistand/opplæring. Habilitering og rehabilitering kan organiserast på ulike måtar, t.d.:

• Tverrfaglege team ev. i kombinasjon med heimetenester
• Kvardagsrehabilitering
• Treningstiltak i heim, skule, på arbeidsplass i kombinasjon med gruppetilbod ved frisklivssentralar og/eller dagsenter
• Lærings – og meistringstilbod

Det er kommunen som i samarbeid med deg bestemmer kva for tenester som er aktuelle.

Matombringing (middag) til eldre

Matlevering er ikkje ei lovpålagt teneste, men kan i enkelte høve bli vurdert til å vere rett teneste for å oppnå forsvarleg helsehjelp. Tenesta skal vere til hjelp for å dekkje ernæringsbehovet til innbyggarar, som av ulike årsaker ikkje er i stand til å dekke dette behovet sjølv. Ein må betale for tenesta.

Tenesta gjeld utlevering og tilkøyrt varm middag frå kommunen sitt institusjonskjøkken. Diettmat vert levert dersom det er medisinske årsaker til det. Det vert levert to porsjonsstorleikar à to rettar; anten middag og dessert eller middag og suppe event. ekstra dessert/suppe. 

Tryggleiksalarm

Tryggleiksalarm er ikkje ei lovpålagt teneste, men er ei teneste kommunen kan tilbyr der det er behov. Tryggleiksalarm gir høve til å tilkalle hjelp frå tenestene og/eller pårørande på ein rask og enkel måte, dersom det oppstår eit akutt behov for hjelp.

Alle som låner tryggleiksalarm frå kommunen, får montert ein nøkkelboks ved ytterdøra. Dei som ikkje bur i omsorgsbustad, får også montert ein røyksensor når tryggleiksalarmen vert montert.

Dersom tryggleiksalarm eller røyksensor vert utløyst, går det automatisk varsel til eit responssenter. Responssenteret kontaktar aktuell teneste.

Tryggleiksalarm er ei betalingsteneste. Dersom ein KUN har behov for røyksensor, ikkje tryggleiksalarm, må ein kjøpe dette sjølv.

Ein kan søkje om tryggleiksalarm på kommunen si nettside eller ved bruk av fysisk søknadsskjema som ein kan få utlevert hjå kundetorget, evt laste ned sjølv her pdf, 118 kB..

Støttekontakt

Ein støttekontakt hjelper ein annan person til ei meir meiningsfylt fritid gjennom sosialt samvær og ulike aktivitetar. Tenesta skal bidra til at søkjar vert tryggare på seg sjølv, og i større grad kan meistre ulike livssituasjonar, og danne nettverk. Det er ingen eigenbetaling for tilbod om støttekontakt. Tenesta støttekontakt kan t.d. gis som:

• Individuelt støttekontakttilbod

• Deltaking i ei aktivitetsgruppe

• ​Eit individuelt tilbod i samarbeid med ein frivillig organisasjon

Hukommelsteamet

Fitjar hukommelsesteam gjennomfører testing av hukommelse der det er aktuelt, og kan hjelpe deg med råd, rettleiing og informasjon, og kan vidareformidle kontakt med hjelpeapperatet ved behov.

Du kan ringe: 96 22 46 86 (mellom kl 8 og 14) for å bli sett i kontakt med hukommelsesteamet.

Du kan òg sende ein e-post til hukommelsesteamet@fitjar.kommune.no

Kreftkoordinator

Fitjar kommune har ein sjukepleiar i kreftkoordinatorstilling, som kan gje råd og vegleiing til pasient og pårørande i kommunen.

Kreftkoordinator vil kunne komme heim til deg etter avtale og gi hjelp, støtte og vegleiing i ein vanskeleg situasjon. Kreftkoordinator kan og vere ein mellommann mellom for eksempel fastlege, sjukehus, barnehage, skule mm. og syta for at den sjuke og familien rundt får den hjelpa dei har behov for.

Koordinering av helsetjenesten er ikkje kun satt til pasienter med Kreftdiagnosen, men og til pasienter som har ein alvorleg sjukdom som kan gi utfordringer i ulike grader.

Du er velkommen til å ta kontakt uavhengig av kor alvorlig diagnosen er. Tidlig kontakt kan i mange høve vera ein fordel. Tilbudet gjelder og for personer som er blitt frisk av diagnosen, men som likevel treng nokon å snakke med.

Kontaktnr: 98904865

Koordinatorstillinga er på 20% så om du ikkje får svar, kan du sende sms.

Omsorgsstønad

Omsorgsstønad skal gje ein viss økonomisk kompensasjon til private, som utfører særleg tyngjande omsorgsarbeid, som elles ville vore kommunen sitt ansvar. Kommunen avgjer etter søknad, om du får omsorgsstønad, eller om tenestebehovet skal verte dekka på anna måte. Kommunen avgjer også kva nivå stønaden skal liggje på. 

Dagtilbod for personar med demenssjukdom

Dagtilbodet har 5 plassar. Det er ope kvardager. Dagtilbodet vert drive i lokale i Fitjar bu- og behandlingssenter. Målgruppa er heimebuande som har trong for eit dagtilbod, der også kanskje familie treng avlasting. 

Heimesjukepleie-kontoret: tlf. 94 15 53 39

Kontaktinformasjon utanom kontortid:

Heimesjukepleien mobil: 41 54 12 01

Havnahuset mobil: 95 77 89 79

Nattpatruljen mobil (kun mellom 21.35-07.35): 99 58 32 69

Avlasting

Kommunen skal ha avlastingstilbod til personar og familiar med særleg tyngjande omsorgsarbeid. Avlasting kan gjevast ut frå ulike behov og organiserast på ulik måte. Tenesta kan tilbydast i eller utanfor heimen, i eller utanfor institusjon og skal omfatte et forsvarleg tenestetilbod for den personen som har omsorgsbehovet.

Avlastningstiltak skal hindre overbelastning, gi omsorgsytar nødvendig fritid og ferie og moglegheit til å delta i vanlege samfunnsaktivitetar. Det er viktig at det blir organisert ulike avlastningsformer, fordi behova er svært ulike. Det har stor betydning at tilbodet er tilpassa den einskilde sin behov, og at det gir tryggleik og kontinuitet. Det vert ikkje betalt eigenandel for avlastningstilbod.
 

Lenkjer:

Tenestestandard for kommunen pdf, 654 kB.

Lov om kommunale helse- og omsorgstenester Lenke til et annet nettsted, åpnes i nytt vindu.
Forskrift om vederlag for kommunale helse  og omsorgstenester
Pasient- og brukarrettslova Lenke til et annet nettsted, åpnes i nytt vindu. 
Forskrift om barn som pårørande