Folkehelseoversikt for Fitjar kommune (2025)

Fitjar kommune har no vedteke og publisert si ei samla folkehelseoversikt. Dokumentet gir eit heilskapleg bilete av helsetilstanden i befolkninga og dei viktigaste faktorane som påverkar helse og livskvalitet i kommunen.

Folkehelseoversikta er utarbeidd i perioden januar–desember 2025, i tråd med krava i folkehelselova (§§ 5–7). Oversikta skal vere eit sentralt kunnskapsgrunnlag for kommunen si planlegging, prioritering og utvikling av tenester.

Arbeidet er leia av kommuneoverlegen og byggjer på:

• nasjonal og regional statistikk
• kommunale data
• kvalitative innspel frå tenester og fagmiljø

Fitjar er ein liten kommune, og statistikk må tolkast med varsemd. Oversikta er difor vurdert i lys av lokal kunnskap og fagleg skjønn.

Kva viser oversikta?

Fitjar har i hovudsak gode levekår og gode føresetnader for god helse, med mellom anna:

• høg levealder
• små sosiale forskjellar
• trygge nærmiljø og gode friluftsområde

Samtidig peikar oversikta på fleire viktige utviklingstrekk:

• auke i psykiske plager blant barn og unge
• teikn til låg fysisk aktivitet og uheldige levevanar
• aukande førekomst av overvekt
• sosial sårbarheit i enkelte grupper
• demografiske endringar med fleire eldre og færre barn
  
  

Kvifor er dette viktig?

Folkehelse blir i stor grad påverka av forhold utanfor helsetenestene – som oppvekstvilkår, skule, bustad, arbeid og nærmiljø. Oversikta skal difor nyttast aktivt i kommunen si vidare planlegging, mellom anna i:

• kommunal planstrategi
• kommuneplan
• temaplanar og utviklingsarbeid
• økonomiplan og budsjett

Målet er å leggje til rette for gode liv gjennom heile livsløpet, og styrkje det førebyggjande arbeidet i kommunen.

👉 Les folkehelseoversikta her: https://pub.framsikt.net/plan/fitjar/plan-cc91265a-efff-4376-99fc-faecea4cace8-33640/ Lenke til et annet nettsted.