Framtidig struktur i helsesektoren

Til liks med alle kommunar står Fitjar kommune overfor ein situasjon der behova for helsetenester endrar seg. Folketalet er venta å auka noko i åra som kjem, og aldersgruppa 80+ er venta å stiga kraftig.

 Me ventar at etterspurnaden etter omsorgstenester vil auka, men samstundes vert det færre personar som kan yta hjelpa. Det vert og færre personar å fordela finansieringa av tenestene på.

Dette medfører at kommunen må sjå både på kva tenester me skal tilby, og korleis me skal klara å tilby desse. Kommunen må kort og godt leggja ein plan for korleis me skal organisera tenestetilbodet i framtida. Viktige faktorar her er

• Korleis skal drifta vera
• Kva skal omfanget av tenestene våre vera
• Korleis skal me husa tenestene våre.

På bakgrunn av dette har Fitjar kommune fått konsulentselskapet HRP til å utarbeida ein rapport med tilrådingar om korleis kommunen bør leggja opp helsetenestene for å kunna møta dei utfordringane me ser vil koma.

Framtidig struktur i helsesektoren - Endeleg rapport pdf, 9 MB, åpnes i nytt vindu.
Vurdering av boligstiftelse pdf, 378 kB, åpnes i nytt vindu.
Flaumanalyse pdf, 3 MB, åpnes i nytt vindu.