Reglar kring open brenning og brenning i småomn

Open og ukontrollert brenning av avfall og biologisk materiale kan gje store utslepp av mellom anna tjørestoff, polysykliske aromatiske hydrokarbon (PAH), dioksin og tungmetall. Dette kan føre til både helse- og miljøproblem lokalt. 

I utgangspunktet er open brenning  og brenning av avfall i småomn ulovleg etter forureiningslova § 7 om plikt til å unngå forureining. MEN det er opna opp for forureining som kan sjåast som «vanleg» forureining frå bustad og primærnæring, jf. forureiningslova § 8. 

Det vil sei at lyngbrenning i jordbruket, flatebrenning i skogbruket, bråtebrenning, bålbrenning, St. Hansbål og brenning av små mengder tørt hageavfall frå eigen hage er å sjå som «vanleg» forureining. Hageavfall som overskride eit tilhengarlass bør normalt leverast til miljøstasjon. Ved brenning av hageavfall må ein teke omsyn til vêr- og vindforhold slik at ikkje røyk vert til sjenanse for andre. 

Når det kjem til avfall er det berre reint trevirke som er lov å brenne. Dette skal brennast i småomn og ikkje som open brenning. 

Alt anna avfall skal leverast til miljøstasjonen og er ulovleg å brenne. 

Minner elles om at det er eit generelt forbod mot bål mellom 15. april og 15. september.