Flott sommarkonsert
04.06.2008
Årets sommarkonsert gjekk av stabelen torsdag 29. mai i kultursalen i kultur og idrettsbygget. Skulekorpset starta med å spela tre fengande melodiar, dirigert av Svein Roger Koppang. Etterpå var det ei avdeling med elevar på piano, gitar og song. Me fekk høyra mange flotte pianostykker, ekstra kjekt å høyra fleire pianoelevar i sving samstundes. Songelevane song kjente songar, Think Twice, Fly me to the moon og Fly with me. Argentinsk dans og Norwegian Wood var bidraget frå gitarelevane, flott! Til slutt i programmet spela Fitjar musikklag.
På konserten skulle også jentene frå danseprosjektet delteke, men grunna sjukdom til danselæraren måtte dette innslaget avlysast, det var veldig synd.
Mange foreldre, besteforeldre og vener møtte opp på konserten. Kjekt var det også at dei inviterte frå administrasjonen i kommunen og politikarar kom til konserten.
