Skular får søppelspann hjå SIM
20.08.2007
Innføringa av gratis skulefrukt denne hausten kan medføra eit søppelproblem for skular som er med på ordninga. Avfallsselskapet SIM melder at skulane gratis kan få kjøkenspann til å kasta fruktavfallet i; eitt spann til kvart klasserom i kommunane Austevoll, Bømlo, Fitjar, Kvinnherad, Stord, Sveio og Tysnes.
Skular som treng spann kan kontakta avfallsselskapet. Det gjeld også skular som enno ikkje har avtale om innsamling av bioavfall.
Regjeringa løyvde før ferien 87 millionar kroner for at alle ungdomsskuleelevar i landet skal få gratis frukt på skulen kvar dag. I tillegg vil kombinerte barne- og ungdomsskular også servera frukt til småskuleborna.