Hopp til innhold Hopp til søk

Turistinformasjon

Kamera

Kulturarbeidarpris til Smedholmen Kyst- og Naturlivskule

Oppretta: 17.10.2007 – Sist oppdatert 25.03.2014

Hordaland fylkeskommune har tildelt Smedholmen Kyst- og Naturlivskule ved Terje Skorpen og Einar Matre ein kulturarbeidarpris på 10.000 kroner.

Tildelinga skjedde i fylkestinget i Bergen tysdag.  Grunngjevinga for å prisa kystkulturentusiastane i Fitjar er mellom anna at Matre og Skorpen har vore viktige i arbeidet med å ta vare på og restaurera ulike lokale båttypar. Samlinga på Smedholmen inneheld fleire sjeldne gamle båtar. Eit av dei største arbeida dei har gjort er å restaurera 60 fot seglsluppen "Seladon".

Prisutdelaren legg også vinn på at prisvinnarane let skuleelevar og andre bli aktive deltakarar på kursa dei held i gammalt handverk, og at eldre sjømenn og fiskarar frå lokalsamfunnet er viktige medspelarar i arbeidet.

Fitjar kommune gratulerer med prisen!

Kontakt oss