Magnus Mugaas Hegland, Arild Sørensen Dahlsgård og Thor Sundal, alle frå 6. klasse på Sælevik skule, sjekkar om keyboardet er magnetisk. Foto: Håkon C. Hartvedt
Knallgøy å eksperimentera
10.10.2007
Slik lød kommentaren frå nokre elevar ved Sælevik skule då folk frå Vil-Vite senteret i Bergen både hadde show og undervisning på Rimbareid skule i føremiddag.
I gymsalen var det sett opp eit planetarium med livaktig stjernehimmel inne i eit telt, og showet dei hadde på scena fenga òg alle med artige, spennande eksperiment, laga av enkle middel. Elles vart det praktisk undervisning om lys og lyd samt elektrisitet og magnetisme i to av klasseromma.
Både lærarar og elevar hadde berre lovord å seie om opplegget. Som ein parentes kan me nemne at lærarane på Rimbareid skule, òg fekk prøve seg på å lage bil driven av ein ballong og blåseinstrument av sugerør, under planleggingsdagen sin i går.
Håkon Hartvedt. 10.10.07