Tekniske hjelpemidler - utlån (Hjelpemiddelsentral)
Beskrivelse
Kommunen skal gjennom NAV Hjelpemiddelsentral gi tilgang til tekniske hjelpemiddel for å redusere praktiske problem i kvardagen.
Døme på hjelpemiddel:
- toalettforhøgning
- toalettstol
- rullestol
- dusjkrakk
- rullator
Målgruppe
Personar som av ulike årsaker har redusert funksjonsevne i ei kortare eller lengre periode.
Vilkår
Personen må bu eller opphalde seg i kommunen og ha nedsett funksjonsevne i ein kortare eller lengre periode.
Lover
Forskrift om habilitering og rehabilitering § 11
Forskrift om hjelpemiddelsentralenes virksomhet og ansvar
Lov om kommunale helse- og omsorgstjenester m.m. kap. 3
Rettleiing
Når du eller nokon av dine nærmaste får behov for eit hjelpemiddel, tek du kontakt med kommunehelsetenesta der du bur.
Vanlegvis vil ergoterapeut, fysioterapeut, PP-tenesta eller legen din hjelpe deg med å søkje. Dersom du treng hjelpemiddel på arbeidsplassen, tek du kontakt med arbeidsgivaren eller bedriftshelsetenesta. Ditt lokale NAV-kontor kan også hjelpe til dersom du får arbeidsavklaringspengar.
Sakshandsaming
Dei fleste søknadene blir avgjorde innan ein månad. Maksimal behandlingstid er seks månader. Dersom hjelpemidlet finst på lager, tek det normalt to veker frå søknaden er behandla til hjelpemidlet kjem til mottaket i kommunen. Dersom hjelpemidlet må tingast, kan det ta opp til fem veker.
NAV Hjelpemiddelsentral leverer hjelpemidla til mottaket i kommunen. Kommunen vil så levere hjelpemidlet heim til deg, ev. melde frå om kvar du sjølv kan hente det.
For enkelte hjelpemiddeltypar gjeld eigne saksbehandlings- og leveringstider.
Klage
Har du søkt helse- og omsorgstenester frå kommunen, kan du klage på avgjerda (etter pasient- og brukerrettighetsloven):
- Fristen for å klage er fire veker frå du tok imot vedtaket.
- I klaga beskriv du kva forhold du klagar på og grunngir dette. Kommunen kan gi rettleiing ved behov.
- Send klaga til den instansen som fatta vedtaket. Dei vil vurdere om det er grunn til å gjere endringar.
- Dersom vedtaket ikkje blir endra, kan du klage til Fylkesmannen.
Du kan også klage på sjølve utføringa av helsetenesta du får:
- Send klaga til den instansen som yter tenesta, slik at ein har høve til å løyse saka på lågaste nivå.
- Dersom klaga blir avvist, eller kommunen meiner at rettane dine er oppfylte, kan du klage til Helsetilsynet i fylket.