Startlån bustad
Beskrivelse
Startlånet skal medverke til at innbyggjarar med etableringsproblem kan skaffe seg ein nøktern, god heilårsbustad. Startlånet kan bli gitt som topp- eller fullfinansiering ved kjøp av bustad eller til utbetring av noverande bustad. Det kan også nyttast til refinansiering, slik at husstanden kan bli buande i noverande bustad.
Storleiken på lånet rettar seg etter økonomien til den enkelte, og om det finst høve til delvis eller full finansiering gjennom annan bank. Alle søkjarar må først ha hatt kontakt med ein privat bank for å søkje lån, før søknad om startlån kan vurderast.
Målgruppe
- unge i etableringsfasen
- barnefamiliar
- einslege forsørgjarar
- funksjonshemma
- flyktningar og personar med opphaldsløyve på humanitært grunnlag
- økonomisk vanskelegstilte husstandar
Vilkår
Noverande busituasjon er ikkje tilfredsstillande. Det må kunne dokumenterast kva husstanden kan betale samla, og kva den kan vere i stand til å betale av renter og avdrag på lånet. Vanlege levekostnader må kunne betalast i tillegg til lånet.
Lånet følgjer same vilkår som utlåna i Husbanken.
Lover
Kommunen har utarbeidd eigne retningslinjer.
Rettleiing
Det må sendast skriftleg søknad med dokumentasjon til kommunen for å få startlån. Søknadsskjema får ein ved å kontakte kommunen eller på Husbanken si heimeside. Kommunen kan kontaktast for hjelp til å søkje om startlån.
Vedlegg til søknad:
Obligatoriske vedlegg:
- Eventuell salsoppgåve/takst av bustaden (ikkje eldre enn seks månader)
- Kopi av likningsutskrift for dei to siste åra
- Finansieringsplan
- Dokumentasjon av eventuell eigenkapital
- Arbeidsinntekt (lønsslipp) siste 2 månader
Vedlegg som bør følje søknaden dersom dette er naturleg:
- Trygdeytingar (giroblankett)
- Barnebidrag (giroblankett)
- Husleige/fellesutgifter, eventuelt andre buutgifter (ved førehandsgodkjenning gjeld ikkje dette)
- Gjeldsforhold (nedbetalingsplan på alle lån)
- Andre utgifter (dagmamma, barnehage o.l.)
- Separasjonspapir/skifteavtale
- Dokumentasjon på finansiering frå privat bank med storleiken på lånet, eventuelt grunngjeving for avslag
Søknadsfrist
Søknadene blir behandla etter kvart som dei kjem inn.
Sakshandsaming
Kommunen har plikt til å behandle saka så snart som mogleg. Dersom saka ikkje kan avgjerast innan éin månad, skal skriftleg svar om årsaka til dette liggje føre, med opplysningar om når ein reknar med at vedtaket vil bli fatta.
Klage
- Får du avslag på søknad om startlån, kan du klage.
- Klageinstansen er kommunen si eiga klagenemnd.
- Klagen må sendast innan tre veker etter at du mottok vedtaket.
- Oppgi kva du ønskjer endra i vedtaket, og gi ei grunngjeving for dette, eventuelt med nye opplysningar.