Spelemidlar til anlegg for idrett og fysisk aktivitet
Beskrivelse
Spelemidlar til idrettsformål skal medverke til at ein større del av samfunnet får høve til å drive idrett og fysisk aktivitet. Kommunen gir rettleiing og behandlar søknader om statlege spelemidlar til anlegg og område for idrett og friluftsliv. Det kan søkjast om tilskot til
- nybygg av idretts- og friluftsanlegg
- rehabilitering av idretts- og friluftsanlegg
- nærmiljøanlegg
Målgruppe
Søkjarar av tilskot frå overskotet av spelemidlane til idrettsanlegg, kan vere kommunar, fylkeskommunar, idrettslag, burettslag eller andre organisasjonar.
Søkjarar av tilskot frå spelemidlar til nærmiljøanlegg kan vere kommunar, fylkeskommunar, idrettslag, velforeiningar, burettslag, partslag eller andre organisasjonar.
Vilkår
Anlegget må vere med i ein vedtatt kommunal plan for idrett og fysisk aktivitet. Det er ein føresetnad at organisasjonane gir sine innspel i planprosessen i samband med kommunal plan for idrett og fysisk aktivitet.
Rettleiing
Alle søknader skal fremjast på søknadsskjema frå Kultur- og kyrkjedepartementet, og skal sendast elektronisk via kommunen til fylkeskommunen for behandling. Kommunen kan hjelpe deg med søknaden.
Oversyn over vedlegg som skal sendast inn saman med søknaden, får ein ved å kontakte kommunen.
Klage
- Fristen for å klage er tre veker frå du mottok vedtaket.
- Klagen sender du til den instansen i fylkeskommunen som har fatta vedtaket.
- I klagen skal du oppgi kva du ønskjer endra i vedtaket, og ei grunngjeving for det.
- Kultur- og kyrkjedepartementet er klageinstans for vedtak fatta av fylkeskommunen. Før klagen blir send dit, skal den instansen i fylkeskommunen som fatta vedtaket, vurdere om det er grunn til å endre det. Dersom vedtaket står ved lag, vil saka bli send til departementet.