Skulestart
Beskrivelse
Utgangspunktet er at borna startar i grunnskulen det kalenderåret dei fyller seks år. Skulen/kommunen vil sende brev til føresette som har barn som er opplæringspliktige. I brevet blir det opplyst om kvar ein skal møte, og tidspunktet for oppmøtet, og informert om kva slags rettar opplæringslova gir i samband med dette. Foreldra kan søkje om tidlegare eller utsett skulestart for eleven.
Målgruppe
- Born som fyller seks år i kalenderåret
- Born som har fått utsett skulestart frå året før
- Foreldre som vil søkje om å få utsett skulestarten for barnet
- Foreldre som vil søkje om tidlegare skulestart for barnet
Vilkår
Eleven har rett til utsett skulestart dersom det etter sakkunnig vurdering frå pedagogisk-psykologisk teneste (PPT) er tvil om barnet har kome langt nok i utviklinga si til å starte på skulen. Utsett skulestart inneber skulestart det kalenderåret barnet fyller sju år.
Tidlegare skulestart inneber at barnet startar på skulen det kalenderåret barnet fyller fem år. For å få tidlegare skulestart må barnet fylle fem år innan 1. april. Det må liggje føre sakkunnig vurdering frå PPT.
Rettleiing
Du kan ta kontakt med kommunen for å få hjelp til å søkje om tidlegare eller utsett skulestart.
Du skal leggje ved sakkunnig fråsegn.
Sakshandsaming
Kommunen har plikt til å behandle saka så snart som mogleg. Dersom saka ikkje kan avgjerast innan éin månad, skal du ha skriftleg svar om årsaka til dette, med opplysningar om når ein reknar med at vedtaket vil bli fatta.
For tidlegare og utsett skulestart: PP-tenesta vurderer utviklingsstatusen til barnet. PPT gir råd til kommunen, som fattar vedtak.
Klage
- Fristen for å klage er tre veker frå du mottok vedtaket.
- I klaga gjer du greie for kva du vil ha endra og grunngjer dette. Kommunen kan gje rettleiing ved behov.
- Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
- Du vil motta informasjon om klagebehandlinga når saka er ferdig.