PP-tenesta
Beskrivelse
PPT (pedagogisk-psykologisk teneste) har som hovudmålsetjing å ha eit førebyggjande perspektiv gjennom:
- Utgreiing, kartlegging, rettleiing og sakkyndig vurdering, knytta til enkeltbarn
- Systemarbeid, kompetanse og organisasjonsutvikling knytta til barnehagar og skular
- Samarbeid med andre kommunale hjelpeinstansar samt fylkeskommunale og statlege hjelpeinstansar (PHBU, Habiliterings- og Rehabiliteringsteneste, Statleg Pedagogisk Støttesystem).
Den pedagogisk-psykologiske tenesta (PPT) skal sørgje for at det blir utarbeidd ei sakkyndig vurdering der lova krev det. Dette gjeld først og fremst vurdering om behov for spesialpedagogiske tiltak for barn i førskulealder, elevar i grunnskulen og i vaksenopplæring på grunnskulen sitt område.
Opplæringslova krev også sakkyndig vurdering på ein del andre områder, blant anna:
- tidlegare eller utsett skulestart
- fritak frå opplæringsplikta
- teiknspråkopplæring
- punktskriftopplæring for blinde og sterkt svaksynte elevar
- søknad om inntak på særskilt valt utdanningsprogram på vidaregående trinn 1
Målgruppe
- Barnhagar og skular.
- Barn, ungdom og elevar som ikkje har eller ikkje kan få tilfredsstillande utbytte av det ordinære opplæringstilbodet.
Lover
Alle kommunar og fylkeskommunar skal ha ei pedagogisk-psykologisk teneste.
Opplæringslova § 5-6, jf. § 5-1 og § 5-7
Rettleiing
Barn/elevar tilvises av dei føresette sjølve eller i samråd med barnehage/skule. Foreldre og vaksne kan på eige initiativ ta kontakt med PPT for informasjon og vurdering av behov for tenester samt hjelp til å fylle ut tilvisingsskjema. Helsesøstrer, barnehage og skular kan etter skriftleg samtykke og i samarbeid med føresette tilvise, saker til PPT.
Søknadsfrist
Det er ingen søknadsfrist.
Sakshandsaming
Spørsmål om tilvising blir behandla etter kvart. Ved ventetid ut over 2 mnd. blir det gitt skriftleg beskjed om forventa ventetid.
Fråsegn fra PPT er eit ledd i saksførebuinga før det blir fatta vedtak om spesialundervisning mv.