Fitjar Kommune Opningstider rådhuset kl. 09 - 15 - telefon og epost til tilsette finn du her.

Målgruppe

Pleietrengjande eldre og funksjonshemma.

Vilkår

• Søkjaren må bu eller opphalde seg i kommunen. 
• Søkjaren må ha behov for heimesjukepleie/heimehjelp. 
• Søkjaren må ha eit særleg stort hjelpebehov og/eller ha særleg nytte av nærleiken til institusjonen, nå eller i nær framtid. 
• Søkjaren bør kunne bruke tryggleiksalarm. 
• Søkjaren må sjølv ønskje omsorgsbustad. 
• Det må vere ledig omsorgsbustad i kommunen.
  

Lover

Tenesta er ikkje lovpålagd.

Lov om pasient- og brukerrettigheter § 2-1b

Lov om kommunale helse- og omsorgstjenester m.m § 3-7

Rettleiing

Kommunen kan kontaktast for å få hjelp til søknaden.

Dersom ein annan søkjer på vegne av deg, må vedkomande ha fullmakt.

Søknadsfrist

Søknadene blir behandla etter kvart  som dei kjem inn.

Sakshandsaming

• Tenestekontoret greier ut saka – herunder behovet for tenester og eventuelle hjelpemiddel, - og i den samanhengen kva som må ligge føre / vere montert før flytting kan gjennomførast. 
• Tenestekontoret sørgjer for at det ligg føre ein legeattest. 
• Gjeld bustadsøknaden langt fram i tid, blir søkjaren sett på ei liste over tidspunkt for ønskje om bustad og type bustad, og Tenestekontoret har ansvar for å leggje saka fram når den er aktuell. 
• Tenestekontoret varslar søkjaren om dette. 
• Tenestekontoret prioriterer søknadene. 
• Søknadene om bustad blir vurderte i tildelingsmøtet, der det er med representantar for Psykiatritenesta, Sosialtenesta, Eigedomsavdelinga og Tenestekontoret.
• Bustaden blir tildelt, avslått eller søkjaren blir sett på venteliste. 
• Eigedomsavdelinga sender tilbod om bustad og husleigekontrakt. I brevet til bustadsøkjaren skal det framgå om søknaden er innvilga, avslått eller om søkjaren er sett på venteliste. 
• Ved avslag og venteliste skal grunngjevinga for dette  framgå av brevet. 
• Tenestekontoret har oversyn over aktuelle på ventelister og får melding om ledige husvære etter kvart. 
• Brukaren/pårørande tek seg av innflyttinga. 
• Distriktet for bistand, rehabilitering og omsorg (BRO-distriktet)  blir orienterte om kven som flytter, når og til kva for husvære og kva for hjelpemiddel/tenester som må vere på plass før innflyttinga kan gjennomførast. 
• BRO-distriktet hjelper brukaren / pårørande ved behov.
  

Klage

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.