Legevakt
Beskrivelse
Helsetenesta i kommunane skal omfatte hjelp ved ulykker og andre akutte situasjonar. Kommunen skal difor tilby ei legevaktordning som gir deg medisinsk hjelp utanom kontortida til fastlegen.
For meir info om legevakt i Fitjar gå til denne sida.
Målgruppe
Alle som bur eller oppheld seg i kommunen og har behov for hjelp straks.
Rettleiing
Ved livstruande og svært alvorlege situasjonar, ring 113.
Dei fleste sjukomstilfelle blir behandla best av fastlegen som kjenner pasienten godt og har tilgang til journal. Legevakta skal ta seg av akutt sjukdom, skade eller forverring av sjukdom som gjer at nødvendig undersøking og behandling ikkje kan vente.
Klage
Har du søkt helse- og omsorgstenester frå kommunen, kan du klage på avgjerda (etter pasient- og brukerrettighetsloven):
- Fristen for å klage er fire veker frå du tok imot vedtaket.
- I klaga beskriv du kva forhold du klagar på og grunngir dette. Kommunen kan gi rettleiing ved behov.
- Send klaga til den instansen som fatta vedtaket. Dei vil vurdere om det er grunn til å gjere endringar.
- Dersom vedtaket ikkje blir endra, kan du klage til Fylkesmannen.
Du kan også klage på sjølve utføringa av helsetenesta du får:
- Send klaga til den instansen som yter tenesta, slik at ein har høve til å løyse saka på lågaste nivå.
- Dersom klaga blir avvist, eller kommunen meiner at rettane dine er oppfylte, kan du klage til Helsetilsynet i fylket.