Helsetilbod til flyktningar og asylsøkjarar
Beskrivelse
Asylsøkjarar og flyktningar som bur eller mellombels oppheld seg i kommunen, har rett til nødvendige helsetenester på lik linje med andre som oppheld seg i kommunen. Helsetilbodet til kommunen skal sørgje for at asylsøkjarar og flyktningar får nødvendig somatisk og psykisk helsehjelp.
Målgruppe
Asylsøkjarar og flyktningar.
Innanfor denne gruppa skal ein særleg gi akt på og oppfølgjing til desse personane:
- personar frå område der det er høg risiko for visse infeksjonssjukdomar
- personar som har vore utsette for tortur og annan alvorleg psykisk eller fysisk traumatisering
- einslege personar utan familienettverk
- barn og unge som kjem åleine til Noreg
- gravide
- einslege forsørgjarar
- kvinner som har vore utsette for valdtekt og annan seksualisert vald.
Vilkår
For personar under 18 år er det ikkje eit vilkår at personen har lovleg opphald. For personar over 18 år utan lovleg opphald gir lova rett til akutt helsehjelp.
Lover
Dette er lovpålagde tenester.
Forvaltningsloven
Lov om pasient- og brukerrettigheter
Lov om kommunale helse- og omsorgstjenester m.m § 3-2
Forskrift om kommunens helsefremmende og forebyggende arbeid i helsestasjons- og skolehelsetjenesten
Rettleiing
Kommunen vil sjølv sørgje for at innflyttarar, asylsøkjarar og flyktningar som nyleg er komne til mottak, får tilbod om helsetenester, og det er derfor ikkje nødvendig for desse å søkje om denne tenesta.
Klage
- Dersom du meiner du ikkje får nødvendig helsehjelp frå kommunen, kan du etter kommunehelsetenestelova klage på dette til kommunen og deretter til Helsetilsynet i fylket.
- I klaga må du gi ein nærmare omtale av dei forholda det blir klaga over. Du bør opplyse om kva du ønskjer endra, og grunngi dette. Kommunen vil kunne gi deg rettleiing.
- Klaga skal sendast til den instansen i kommunen som har behandla saka. Står kommunen fast på avgjerda si, skal klaga sendast vidare til Helsetilsynet i fylket.
- Som mottakar av helsetenester kan du etter pasientrettslova også klage til Helsetilsynet på sjølve måten tenesta blir utførd på. Klaga skal først sendast til kommunen eller direkte til tenesteytaren slik at det er høve til å løyse saka på lågaste nivå.