Fysioterapi
Beskrivelse
Tenesta inngår som ein del av helsetilbodet i kommunen og blir gitt i samband med førebyggjande helsearbeid og ved behandling av sjukdom eller skade. Tenesta kan gi hjelp med mellom anna:
- undersøkingar
- funksjonsutgreiingar/motorisk vurdering
- utforming og oppfølgjing av tiltak
- behandling
- lymfeødembehandling
- rehabilitering og behandling av inneliggjande pasientar
- gruppetrening
- førebyggjande arbeid
Gruppetrening vert tilbode for desse gruppene:
- basseng
- barn med motoriske avvik
- ungdom med behov for tilrettelagt trening
- psykiatri
- eldre
- stavgang
- tematreff for foreldre til barn under 1. år
Kommunen kan også kontaktast for å få søknadsskjema til transporttenesta for funksjonshemma (TT-ordninga). Ferdig utfylt søknad skal leverast/sendast til avdelinga saman med ei legefråsegn.
Målgruppe
- Personar med behov for behandling, rettleiing og gjenopptrening etter akutt skade, sjukdom eller operasjon.
- Kronisk sjuke og personar med langvarig nedsett funksjonshemming med behov for tverrfagleg rehabilitering.
- Grupper av folket med behov for helsefremjande og førebyggjande tiltak, både miljøretta og spesifikke tiltak.
Vilkår
Fysioterapitenesta i kommunen eller legen din vil gjere ei undersøking og ei fagleg vurdering av behovet.
Lover
Lov om kommunale helse- og omsorgstjenester m.m § 3-2
Lov om pasient- og brukerrettigheter kap. 7
Forskrift for sykehjem... § 2-1
Forskrift om habilitering og rehabilitering
Begrensninger i helsepersonells adgang til å motta gave ... (rundskriv)
Rettleiing
Tenesta kan bli gitt uavhengig av om ein bur heime eller på institusjon. Heimebuande kan få tilbod om fysioterapi i heimen dersom det av ulike årsaker ikkje er mogleg å bruke eit fysikalsk institutt. Ta da kontakt med kommunen for å få orden på dette.
Når behovet for behandling er godkjent, ta kontakt med det enkelte instituttet eller med rehabiliteringsavdelinga i kommunen, slik at ein eventuelt blir sett på venteliste.
Sakshandsaming
Alle som søkjer behandling hos fysioterapeut, blir sette på venteliste og behandla fortløpande.
Somme diagnosar blir prioriterte og tekne utanom venteliste. Dette blir vurdert i kvart einskild tilfelle.
Klage
- Dersom det ikkje er motteke nødvendig helsehjelp frå kommunen, kan dette etter kommunehelsetenestelova påklagast til kommunen og deretter til Helsetilsynet i fylket.
- Klagen må ta for seg tilhøva det blir klaga på. Den bør peike på kva ein ønskjer å endre på, og grunngjeving for dette.
- Kommunen kan gi rettleiing. Klagen skal sendast den instansen i kommunen som har behandla saka. Held kommunen oppe avgjerda si, skal klagen sendast vidare til Helsetilsynet i fylket.
- Som mottakar av helsetenester kan det etter pasientrettlova også klagast til Helsetilsynet på sjølve utføringa av tenesta. Klagen skal først sendast kommunen eller direkte til tjenesteytaren, slik at det blir gitt høve til å løyse saka på lågaste nivå.