Etablerarprøva
Beskrivelse
Etablerarprøva skal sikre at ansvarlege for ein serveringsstad har dei nødvendige kunnskapane om økonomistyring og lovgiving som har noko å seie for drifta. Kommunen er ansvarleg for å gjennomføre og rette etablerarprøva.
Målgruppe
Dagleg leiar i verksemder som har eller søkjer om serveringsløyve.
Vilkår
For å få serveringsløyve må dagleg leiar av staden ha greidd etablerarprøva (dette er ikkje det same som kunnskapsprøva etter alkohollova) og ha god vandel. Etablerarprøva er ei fleirvalsprøve. Det blir sett av 90 minutt for elektronisk svar på prøva. Kandidatar som leverer svaret på papir, får i tillegg 10 minutt til å overføre svara til kolonnene på framsida av prøva. For å greie prøva må 40 av 50 svar vere rette.
Rettleiing
Etablerarprøva blir halden i kommunen. Det krevst gyldig legitimasjon ved oppmøte for å ta prøva.
Opplysningar om kunnskapskrav og pris per prøve får ein i kommunen. Ein betalar avgifta på førehand og tar med kvitteringa på prøvedagen.
Sakshandsaming
Kommunen skal gjennomføre prøva innan to månader etter at melding er mottatt om at du ønskjer å ta prøva. Når du har greidd etablerarprøva, skriv kommunen ut vitnemål.
Klage
Det er ikkje høve til å klage på utfallet av prøva, men prøva kan takast om igjen.