Ergoterapi
Beskrivelse
Ergoterapi skal hjelpe menneske til å fungere optimalt i kvardagen når dei har problem med å utføre daglege gjeremål på grunn av sjukdom, skade eller anna funksjonsnedsetjing. Ergoterapi inneber mellom anna:
- trening av daglege gjeremål eller andre aktivitetar som krev spesielle evner
- tilpassing av aktivitetar, t. d. arbeidsvanar
- kompensering for tapt funksjon med tekniske hjelpemiddel
- tilrettelegging for aktiv fungering i heim, barnehage og skule
- rettleiing, informasjon og undervisning
- tilrettelegging og endring av bustad og/eller bustadplanlegging
Målgruppe
Personar som har vanskar med å klare daglege aktivitetar eller som står i fare for å få vanskar i samband med alder, funksjonshemming, sjukdom eller skade.
Vilkår
Kommunen vil på fagleg grunnlag undersøkje og vurdere behovet for ergoterapi.
Lover
Ergoterapi er ikkje ei lovpålagd teneste etter helse- og omsorgstenestelova. Tenesta utfyller fysioterapi og andre tenester som blir gitt der rehabilitering er formålet.
Lov om kommunale helse- og omsorgstjenester m.m § 3-2
Forskrift for sykehjem... § 2-1
Forskrift om habilitering og rehabilitering
Begrensninger i helsepersonells adgang til å motta gave ... (rundskriv)
Rettleiing
Kommunen kan gi rettleiing til å søkje om ergoterapi.
Dersom andre søkjer på vegne av deg, må dei ha fullmakt.
Førespurnader til kommuneergoterapeut kan vere både skriftleg og munnleg frå brukaren sjølv eller frå samarbeidspartnarar.
Sakshandsaming
Kommunen har plikt til å behandle saka så snart råd er. Dersom saka ikkje kan avgjerast innan éin månad, skal det givast skriftleg svar om årsaka til dette, med opplysningar om når det kan ventast at vedtaket vil bli fatta.
Klage
- Dersom det ikkje er mottatt nødvendig helsehjelp frå kommunen, kan dette etter kommunehelsetenestelova påklagast til kommunen og deretter til Helsetilsynet i fylket.
- Klaga må innehalde ein omtale av kva for forhold det blir klaga på. Den bør også innehalde ein omtale av kva ein ønskjer endra og ei grunngjeving for dette.
- Kommunen vil kunne gi rettleiing. Klaga skal sendast til den instans i kommunen som har behandla saka. Opprettheld kommunen avgjerda si, blir klaga vidaresend til Helsetilsynet i fylket.
- Som mottakar av helsetenester, kan det etter pasientrettslova også klagast til Helsetilsynet på sjølve måten tjenesta er utførd på. Klaga skal først sendast til kommunen eller direkte til tenesteytaren slik at ein gir høve til å løyse saka på lågaste nivå.