Bustønad
Beskrivelse
Bustønad er ei statleg stønadsordning som blir administrert av Husbanken og kommunen. Bustønad kan du søkje dersom husstanden din har låge inntekter og høge buutgifter. Det blir stilt visse krav til husstanden og til bustaden. Ordninga er behovsprøvd.
Målgruppe
- Barnefamiliar
- Trygda personar
- Sosialt vanskelegstilte
- Personar med introduksjonsstønad (flyktningar)
Vilkår
Krav til husstanden er at éin person i husstanden må ha rett til stønad. Den personen som har rett til stønad er:
- barn under 18 år eller person over 65 år
- person med visse typer av trygder/pensjonar frå det offentlege
- person som har sosial stønad som einaste inntekt, og som varer minst eitt år
Krav til bustaden:
- Det må vere heilårsbustad med kjøkken, bad, opphaldsrom, soverom og eigen inngang. Han må som hovudregel vere over 40 m2 utanom fellesareal.
- For nokre typer bustader blir det også stilt krav til korleis bustaden er finansiert
Det finst ei rekkje unntak frå krava.
Rettleiing
Det må sendast skriftleg søknad om bustønad. Kommunen kan kontaktast for å få hjelp til å søknaden.
Kommunen tek imot søknadene, registrerer dei og opprettheld kontakten med søkjaren. Husbanken gjer det formelle vedtaket.
Informasjon om bostøtteordninga
Søknadsfrist
Søknadsfristen følgjer reglane til Husbanken:
Det er frå og med september 2007 innført månedlege vedtak og utbetalingar i bustønadssaker. Søknadsfristen er den 14. i kvar månad og eventuell utbetaling skjer månaden etter.
Dersom du får innvilga bustønad for ein termin (månad), blir bustønadssaka automatisk kopiert vidare med mindre du har flytta. Sjå elles tidsplanen under.
Termin: Månadleg
Søknadsperiode*): 1. i kvar månad
Søknadsfrist: 14. i kvar månad
Utsending av vedtak: ca. 10. i månaden etter
*) Husstands- og bustadsopplysningar blir lagde til grunn per situasjonsdato når bustønaden blir utrekna.
Ved flytting må alle i husstanden vere busette og registrerte i Folkeregisteret seinast på søknadsdatoen. Vedtak om pensjon/trygdeytingar må vere fatta før søknadsdatoen.
Sakshandsaming
- Saksbehandleren i kommunen registrerer opplysningane frå søknaden din.
- Det blir innhenta opplysningar maskinelt frå ei rekkje offentlege instansar som til dømes Folkeregisteret og Rikstrygdeverket. Det blir sendt ut ei førehandsmelding dersom det er feil og manglar ved søknaden, dersom opplysningar er sletta, eller for å varsle om visse typer avslag.
- Rett etter at terminen har gått ut (12 terminar i året) får du vedtaket sendt heim til deg.
- Utbetaling skjer etterskotsvis den 10. kvar månad.
- Dersom du har fått positivt vedtak og ikkje har flytta under terminen, blir søknaden din kopiert over til neste termin.
- 1. januar kvart år blir det sendt ut ein førehandsutfylt søknad. Er det opplysningar som skal endrast, skal skjemaet korrigerast og sendast saman med dokumentasjon til bustønadskontoret i kommunen.
Klage
- Klagen skal sendast via Servicekontoret i kommunen innan tre veker frå vedtaket vart mottatt.
- Alle klager blir behandla av Husbanken (ved det respektive regionkontoret).
- Klagen må vere skriftleg. Hugs alltid å oppgi kva for termin det gjeld, namn, adresse, fødselsnr. og bustadskommune.
- Klagen må innehalde dei opplysningane du meiner har noko å seie for saka.
- Klagen skal underteiknast.
- Behandlingstida er for tida to til fire månader.
- Saksbehandleren i kommunen kan hjelpe deg å klage.