Bustadtilskot
Beskrivelse
Bustadtilskotet skal vere ei hjelp til å skaffe og sikre eigna bustader for vanskelegstilte på bustadmarknaden.
Husbanken kan gi bustadtilskot til prosjekt som medverkar til:
- bustadtiltak for huslause, rusmisbrukarar, flyktningar, funksjonshemma og andre spesielt vanskelegstilte
- at husstandar som har skaffa seg ein nøktern bustad, blir i stand til å halde på bustaden gjennom nødvendige tilpassingar/utbetringar og eventuell refinansiering
- at burettslag og sameige kan legge til rette for lett tilkomst og godt miljø i eigne husvære
- å auke talet på eigna utleigehusvære til vanskelegstilte på bustadmarknaden.
Målgruppe
Tilskot kan givast til:
- Einskildpersonar: Etablering (heretter definert som oppføring og kjøp), utbetring, tilpassing, og refinansiering, prosjektering og eventuell utgreiing på førehand.
- Selskap, stiftingar og liknande: Etablering og utbetring av utleigebustader for vanskelegstilte, samt krisebustader for unge som er utsette for tvangsekteskap.
- For sameige, burettslag og liknande: Tilstandsvurdering for å fremje lett tilkomst og godt miljø i eigne husvære.
- Prosjektering og installering av heis i eksisterande husvære.
Vilkår
- Tilskot blir gitt etter ei vurdering både av dei spesielle tilpassingsbehova til søkjaren og av den samla økonomien til husstanden.
- Bustadtilskot blir som hovudregel tildelt berre ein gong, men det kan i særlege tilfelle tildelast fleire gonger.
- For å sikre kravet om tilbakebetaling vil kommunen sikre tilskotet med pant i bustaden.
Rettleiing
Kommunen kan hjelpe deg med råd og utfylling av søknaden.
Den vanlegaste årsaka til avslag på ein søknad er at søkjaren ikkje blir sett på som varig økonomisk vanskelegstilt. Økonomien til søkjaren blir sett på som så god at ho/han er i stand til å nedbetale eit lån utan behov for tilskot. Ein kan klage på alle avslag, sjå nærmare informasjon nedanfor. Du kan be kommunen om ei skriftleg stadfesting på at startlån/bustadtilskot blir innvilga før ein kjøper ein bustad.
Søknadsfrist
Søknadsfristen er den 14. i kvar månad, og utbetaling skjer ca. den 10. i månaden etter.
Sakshandsaming
Opplysningane på søknaden skal vere slik situasjonen vil vere på den første dagen i månaden det blir søkt bustønad for.
Døme: Du ønskjer å søkje bustønad for januar. Søknadsfristen er då 14. januar og så blir eventuell bustønad utbetalt 10. februar. Alle opplysningane på søknaden skal vere i samsvar med situasjonen i husstanden din 1. januar. Det vil seie at du skal søkje bustønad for den bustaden du var busett i 1. januar - sjølv om du skulle ha flytta i mellomtida.”
Søknad om bustadtilskot til etablering/utbetring/ tilpassing eller refinansiering skal sendast til den kommunen der bustaden ligg. (Dei fleste kommunane deler bustadtilskot inn i bustadtilskot til etablering og bustadtilskot til tilpassing av bustaden.)
Klage
- Fristen for å klage er tre veker frå du mottok vedtaket.
- I klaga gjer du greie for kva du vil ha endra og grunngjer dette. Kommunen kan gje rettleiing ved behov.
- For vedtak som gjeld tilskot til prosjektering, sendast klaga til Husbankens regionkontor.
- Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
- Du vil motta informasjon om klagebehandlinga når saka er ferdig.