Bruksendring
Beskrivelse
Bruksendring vil seie at du ønskjer å ta eit areal eller ein bygning på eigedomen din i bruk til noko anna enn det er godkjent for. Bruksendring er søknadspliktig.
Bruksendring kan til dømes vere at du ønskjer å starte familiebarnehage med 6-10 born (inntil 5 born er unnateke søknadsplikt), eller du ønskjer å etablere eit husvære i underetasjen der det tidlegare har vore soverom.
Bruksendring med same arealbruk kan også vere søknadspliktig. Dersom du til dømes ønskjer å bruke bud/kjellar til varig opphald, ønskjer å etablere ei ny sekundærleilegheit eller ønskjer å ta i bruk eit uthus som anneks.
Målgruppe
Hus- og bygningseigarar
Vilkår
For å kunne setje i gong tiltaket må søknaden, og eventuelt søknad om dispensasjon frå vilkåra, vere godkjend av kommunen. Følgjande må vere oppfylt:
- Nabovarsel må vere send.
- Tiltaket må oppfylle alle relevante byggetekniske krav.
- Tiltaket må ikkje vere i strid med arealdelen i kommuneplanen eller med reguleringsplanen.
Lover
Sakshandsaming
Saksbehandlingstida startar når søknaden er komplett. Saksbehandlingstida vil variere ut frå tiltaket:
- I tråd med lovverket, ingen dispensasjon, ikkje krav om utsegn frå andre etatar: 3 veker
- Andre saker utan dispensasjon: 12 veker
- Krav om dispensasjon: 18 veker
Klage
- Fristen for å klage er tre veker frå du mottok vedtaket.
- I klaga gjer du greie for kva du vil ha endra og grunngjer dette. Kommunen kan gje rettleiing ved behov.
- Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
- Du vil motta informasjon om klagebehandlinga når saka er ferdig.