Utnyttingsgrad - volum og areal på bygg
Til bruk i arealplanar finst det reglar for kor stort volum og areal eit bygg kan ha på eit gitt område/tomt, såkalla utnyttingsgrad.
Grad av utnytting kan fastsetjast i føresegnene til kommuneplanen sin arealdel, reguleringsplan eller utbyggingsplan (bebyggelsesplan).
Det er fleire utrekningsmåtar for grad av utnytting. Følgjande kan nemnast:
* Prosent utbygd areal (%- BYA)
* Tillatt bruksareal (T-BRA)
* Prosent tomteutnytting (%-TU)
Den mest vanlege utrekningsregel for grad av utnytting, er prosent utbygd areal (%-BYA), jfr. § 3-4 i teknisk forskrift til plan og bygningsloven (TEK). Denne vil difor verta omtalt nærare i det følgjande.
Prosent utbygd areal
Prosent utbygd areal (%-BYA) er den delen av tomtearealet som bygningsmassen maksimalt kan dekka. Utbygd areal vert rekna ut i forhold til Norsk Standard (NS ) 3940. Ein bygning si høgde kan fastsetjast i føresegnene til planen, i samsvar med § 3-9 (TEK). Prosent utbygd areal vert skrive %-BYA = 00 %.
Ved å bruka %-BYA kan kommunen styra fleire forhold i byggesaker; fordelinga mellom utbygd og ikkje utbygd areal på tomta, og bygningane si høgde.
I uregulerte område gjeld plan og bygningslova (pbl) § 70 nr.1 , sjå og pbl § 69 nr.1.
Lovverk:
Forskrift om krav til byggverk og produkt til byggverk.
Rettleiing til teknisk forskrift til plan- og bygningslova.
Relatert informasjon på andre nettstader
http://www.be.no/ - Statens Bygningstekniske Etat
