Kart og oppmåling
Avdelinga har følgjande hovudoppgåver:
* Oppmåling av eigedom
* Grenseutsetting
* Kartverk
KART
På Fonnakart sine sider kan du søkje i grunnkart, kommuneplanen sin arealdel, regulerings- og bebyggelsesplanar, arealbruk og sjå flyfoto av kommunen, du finn det her.
Oppmålingsforretning
13.07.2010
Matrikkelen er det offisielle registeret over fast eigedom, med bygningar, bustader og adresser.
Før noko kan førast inn i matrikkelen, må det som hovudregel gjennomførast ei oppmålingsforretning.
Dette går ut på å kartleggje og omtale nærmare grenser og rettar til fast eigedom, og gi nødvendig dokumentasjon for matrikkelføringa, jf. matrikkellova § 33.
Kommunen er oppmålingsetat og har ansvaret for å gjennomføre oppmålingsforretningane.
Landmålaren som har oppmålingsforretninga, går opp grensene i marka saman med dei partane det gjeld. Landmålaren kan gjere mindre justeringar av eksisterande grense dersom partane ønskjer det. Er det tvil om kvar eksisterande grense faktisk går, er det mogleg å la landmålaren avgjere dette som valdgiftsdomar.
Det skal førast protokoll frå oppmålinga og skrivast ut eit matrikkelbrev som inneheld grensepunkta og eit kart.
Desse tiltaka krev oppmålingsforretning før matrikkelføring:
- ny grunneigedom, ny anleggseigedom, ny festegrunn eller nytt jordsameige
- umatrikulert grunneigedom eller umatrikulert festegrunn
- opplysningar om arealoverføring, grensejustering og klarleggjing av eksisterande grense
- eigarseksjon som omfattar uteareal, eller nytt eller endra uteareal til eksisterande eigarseksjon.
Oppretting og arealoverføring av grunneigedom, festegrunn og anleggseigedom er søknadspliktige tiltak etter plan- og bygningslova, jf. pbl. § 93 h. Rekvisisjon av oppmålingsforretning er då ein del av søknaden.
Grensejustering, grensepåvising, matrikulering av umatrikulert grunn, matrikulering av jordsameige og oppmåling av uteareal for eigarseksjonar er ikkje søknadspliktige. Rekvisisjon av oppmålingsforretning skal sendast inn utan at søknaden treng vere send på førehand.
Oppmålingsforretning er ikkje nødvendig for å matrikkelføre samanslåing, referanse til avtale om eksisterande grense, eller fastsetjing av samla fast eigedom, jf. matrikkellova §§ 18, 19, 20.
Oppretting av matrikkeleining
13.07.2010
Ved frådeling av eigedom eller anleggsgrunn, ny festegrunn for meir enn 10 år eller overføring av areal, må det søkjast kommunen om løyve. Eit slikt løyve er trinn éin i saksbehandlingsprosessen etter reglane i plan- og bygningslova.
Trinn to omfattar gjennomføring av ei oppmålingsforretning etter reglane i matrikkellova. Den nye eininga blir då avmerka i terrenget, oppmålt og registrert i matrikkelregisteret med eige gards- og bruksnummer.