Offentleg høyring - forskrift om minsteareal for tildeling av fellingsløyve på hjort i Fitjar kommune
27.02.2009
Framlegg til forskrift om minsteareal for tildeling av fellingsløyve på hjort i Fitjar kommune, er lagt ut til offentleg ettersyn. Høyringsfristen er sett til 27. mars 2009.
Viltnemnda i Fitjar kommune har vedteke å starta opp ein prosess med å redusera minstearealet for tildeling av fellingsløyve på hjort i Fitjar kommune. Per i dag er minstearealet 1000 da/dyr. Viltnemnda har lagt fram forslag til å endra minstearealet til 750 da. Forskrifta skal gjelda frå og med haustjakta 2009.
Bakgrunnen for endring av minsteareal er at hjortestamma i Fitjar og på Stordøya er aukande og ein ønskjer å stabilisera bestanden. Vurderinga av minsteareal er vurdert i høve beitetilhøre, levekår, skadesituasjonen i landbruket, viltpåkjørsler og bestanden sin tettleik, storleik og samansetning.
Nærmare opplysningar kan du få ved å venda deg til Fitjar kommune v/Stord Fitjar Landbruks- og Miljøkontor (Turid Verdal eller Ole Kristian Trondsen).
Saksdokumenta er også tilgjengleg i Kundetorget, Fitjar Tinghus.
Moglege merknadar kan sendast til Stord Fitjar Landbruks- og Miljøkontor, pb. 83, 5418 Fitjar, innan 27. mars 2009.