Hjortekveld
09.09.2007
Tysdag 4. september møtte det opp omlag 60 grunneigarar og jaktinteresserte frå Stordøya på Fitjar vidaregåande skule for nokre timar med hjortaprat
Tema for kvelden var:
- Oppsummering av jakta 2006 - felte dyr, bestandsstørrelse, kjønns- og aldersfordeling
- Informasjon om jakta dette året - avskyting, rutinar om ettersøk og fokus på human jakt
- Overvakning av hjortebestanden på øya - jaktstatistikk, "sett-hjort", slaktevekter, vårteljingar
- Helsetilstanden hjå hjort med hovudvekt på flått og flåttborne sjukdommar - Arne Oftedal v/ Mattilsynet
- Politietsi rolle i hjortejakta - Lensmann Svein Lunde
- Opplegg om ettersøk - Vidar Lillevik, Stord ettersøkslag
- Videosekvens frå jakt i Åkrafjorden - Vidar Lillevik
Arne Oftedal prata om hjorten sin versjon av skrapesjuke/kugalskap - Cronic Wasting Disease (CWD).. Den er ikkje registrert i Noreg, og heller ikkje i Europa. Mattilsynet har ansvar for å ta prøvar av hjort for å bekrefte at sjukdommen framleis ikkje er spreidd til Noreg. Arne Oftedal oppmoda jegerar til å ta kontakt med Mattilsynet (tlf. 06040), slik at dei kan komme ut å ta hjerneprøvar av hjorten. Han informerte om at hjortane kan vera 3-4 dagar gamle, så lenge skrottane er godt tatt vare på (kjølig).
Det var fleire positiv tilbakemeldingar programmet denne kvelden, og SFLMK satsar på å forsetta å arrangera hjortekveld før jaktstart neste haust også !
SFLMK som arrangør ønskjer gjerne å få tips om tema som kan takast opp på neste hjortekveld.
Kurs i partering av hjort
Dersom det er mange nok interesserte, vil SFLMK i samarbeid med FVG arrangera nytt kurs i partering av hjort no i haust.
All informasjon m.m. frå hjortakvelden vert lagt ut på heimesida til kommunene (foredraga vil leggjast ut på www.miljostatus.no/stord -hjorteforvaltning).
Påmelding til SFLMK innan 1. oktober.