Koordinerande eining for habilitering og rehabilitering
06.07.2011
Koordinerande eining er ein stad å venda seg, for menneske som har trong for samordna/koordinerte tenester uavhengig av alder eller helsetilstand.
Alle kommunar og regionale helseføretak skal ha ein koordinerande eining for habilitering og rehabilitering.
Habilitering og rehabilitering er definert i forskrift om habilitering og rehabilitering § 2.
Habilitering og rehabilitering er tidsavgrensa, planlagte prosessar med klare mål og verkemiddel kor fleire aktørar samarbeider om å gje nødvendig bistand. Habilitering og rehabilitering skal bidra til at menneske med nedsett funksjon opplever meistring, sjølvstende og får delta i samfunnet på eigne premissar.
I Fitjar kommune er det rehabiliteringskoordinator/kommunefysioterapeuten som har funksjonen koordinerande eining saman med saksbehandlar i pleie-og omsorgsavdelinga.
Desse er for tida:
Rehabiliteringskoordinator Kari Raunholm tlf. 53 45 85 26 eller 90 14 38 44
Saksbehandlar/Sjukepleiar Astrid de Vreede tlf. 53 45 86 02
Ved eventuelle saker innan sosialtenesta /rus, er det ved NAV Fitjar saksbehandlar Torill Solbakken tlf. 81 58 10 00
Alle kommunen sine innbyggjarar, alle tilsette i kommunen eller eksterne samarbeidpartar kan venda seg til koordinerande eining.
Oppgåver for koordinerande eining.
- Vera ein stad å venda seg for informasjon og/eller melde behov for hjelp.
- Ha ein generell oversikt over habilitering- og rehabiliteringstilbod i kommunen og helseregionen.
- Vera fast kontaktstad for spesialisthelsetenesta og andre samarbeidspartar.
- Vera ein stad å vende seg ved spørsmål og søknad om Individuell Plan(IP).
- Ha systemansvar for IP og ha oversikt og peike ut koordinator for IP.
- Bidra til tverrfagleg vurdering og samarbeid på tvers av einingar og nivå.
Søknader om IP kan sendast til:
Rehabiliteringskoordinator/Kommuneysioterapeut Kari Raunholm,
Postboks 83, 5418 Fitjar
Eller saksbehandlar Astrid de Vreede, Havnahuset bu- og servicesenter, 5419 Fitjar