Motorsagkurs
23.11.2010
Dei 6 deltakarane på motorsagkurset i regi av Stord Fitjar Landbruks- og miljøkontor fekk ein fin dag i skogen.
Laurdag 13. november var kursdeltakarane på motorsagkurset ute for å praktisera i tømmerskogen. Trass i regn vart det ein fin dag i skogen. Deltakarane fekk prøva seg på felling og kvisting av tre. Det vart gjeve ein grundig gjennomgang av korleis ein skal arbeida sikkert med saga, og instruktør Audun Lund Eik frå Aktivt Skogbruk understreka kor viktig dette er for å unngå ulykker og skader. Han var særs nøgd med ”elevane” sine som følgde nøye med på instruksane han gav.
Det vert eit nytt kurs i desember og me tek også sikte på å arrangere fleire kurs på nyåret. Er du interessert ta kontakt med landbruks- og miljøkontoret.