Fitjar Kommune Reglar for påskjøning i Fitjar Kommune

Reglar for påskjøning i Fitjar Kommune

24.06.2010

Vedteke av Fitjar Formannskap 7. april 2010

§1 Generelle føresegner

Reglane gjeld alle fast tilsette arbeidstakarar i Fitjar kommune.
Etatssjefane (skulesjef og helse- og sosialsjef) har ansvar for kjøp av gåver (sjå likevel neste kulepunkt) og tildeling innan sine ansvarsområde. Andre leiarar har ansvar for sine tilsette i samråd med personalavdeling og rådmann. Rådmann har ansvar for kjøp og tildeling til etatssjefar. Ordførar har ansvar for tildeling til rådmann.
Tildeling etter § 2 og § 3 første punkt skal gjerast på ei tilstelling m/bevertning, om mogeleg kombinert med t.d. utdeling av næringspris, kulturpris e.l. (Personalavdeling kjøper gåver etter dette punktet).
Etatssjefen/leiaren kan, i spesielle høve som ikkje vert fanga opp av dette reglementet, gje ei enkel merksemd frå kommunen der det etter vanleg skikk og bruk vil vera naturleg.

§ 2 Påskjøning for lang og tru teneste

Kommunale arbeidstakarar får ei påskjøning for lang og tru teneste etter følgjande reglar:

Etter 25 års samla teneste i kommunen får ein tildelt ei personleg gåve med inskripsjon, verdi ca. kr. 2.000.

§ 3 Gåve ved slutt i tenesta

Vilkåret for slik påskjøning er at vedkomande har vore i kommunen si teneste i minst 5 år.

Ved overgang til pensjonisttilvære skal kommunen gje ei personleg gåve med inskripsjon for inntil kr. 2.000,-.
Ved slutt i tenesta av andre grunnar enn at ein går over i pensjonisttilvære, skal det gjevast ei gåve/blomehelsing for inntil kr. 300,-.

§ 4 Gåve ved merkedagar

§ 5 Dødsfall/gravferd

Ved dødsfall blant arbeidstakarar legg kommunen ned krans ved båra til den avlidne.
Ved dødsfall blant pensjonerte arbeidstakarar vert det som hovudregel sendt bårebukett dersom vedkomande har meir enn 15 års tenestetid i pensjonsgjevande stilling i kommunen, og hadde kommunen som sin siste hovudarbeidsgjevar.

§ 6 Påskjøning for lang og tru teneste

Folkevalde som har vore medlemer av kommunestyret i 4 periodar (16 år), vert tildelt ei personleg gåve med inskripsjon. Ordføraren står for tildelinga.

§ 7 Dødsfall/gravferd

Kommunen v/ordføraren legg ned krans ved båra til den avlidne dersom vedkommande er medlem av kommunestyret eller har vore ordførar.
Ved dødsfall blant andre ombodsmenn som har gjort stor innsats for kommunen, vert det berre i spesielle høve sendt blomar/lagt ned krans ved båra til den avlidne.