Eigedomsskatt og aldersfrådrag
28.02.2011
Me har no taksert eigedommar som vart ferdigstilte/teke i bruk, eller utført endringar på, i 2010. Desse får ny takst i 2011. Andre eigedommar skal ha same takstverdi som tidlegare.
Av spørsmål me får ser me at mange trur at når eit hus ved den årlege utskrivinga passerer ei tiårsgrense får det eit nytt og større aldersfrådrag. Til dømes at når huset blir 40 år får det eit større aldersfrådrag enn om det er 39 år.
Dette er diverre feil tolking av regelverket. Kommunestyret har vedteke retningsliner for bruk av aldersfrådrag, der aldersfrådraget er knytt til byggjeår. Dette medfører at hus bygde 1969 og tidlegare får 40 % aldersfrådrag, hus bygde mellom 1970 og 1979 får 30 % aldersfrådrag, hus bygde mellom 1980 og 1989 får 20 % aldersfrådrag, og hus bygde mellom 1990 og 1998 får 10 % aldersfrådrag. Hus bygde 1999 og seinare får 0 aldersfrådrag. Byggjeåret endrar seg ikkje om huset blir eitt år eldre.
Takseringa gjeld for 10 år av gongen, og huset vil ha same aldersfrådrag i heile perioden, sjølv om huset passerer ei grense, dømesvis frå 19 – 20 år, eller 39 til 40 år.
Aldersfrådrag ut frå byggjeår endrar seg heller ikkje om huset blir påbygt eller ombygt, og dermed skal takserast på nytt, med mindre det etter ombygging framstår som eit nybygg.
Ramer for arbeidet med eigedomsskatt 2011, vedtekne i kommunestyret 22. februar 2011 finn du her